University may akhbarat ki aamad pr pabandi aik nehayat afsosnak amal hay.Akhbarat malomat ka khazana aur aagahi ka zarya hotay hain.Akhbarat k mutaale hi say humein moasharti sargrmiyon aur mulki moamlat ka pata chalta hay.Chun k university aik aala taalimi idara hay isliye university may nisabi taleem k sath akhbarat ka mutaala bhi bohat ehmiyat ka hamil hota hay.Aam tor pr tamam gharano may akhbarat pabandi say nahi atay hain ya jin gharon may aaty bhi hain tu hafta-war.Isliye university may taalibat ko ye saholat hasil rehti thi k wo yahan aakr rozana k akhbarat ki warq gardani kr liya krty thin aur khas tor pr shuba-e-iblag-e-aama k liye tu akhbarat lazmi juz hain,akhbarat k bagair unki taleem namukammal hay.
VC sahab ki taraf say university may akhbarat ki aamad pr lagai gayi pabandi say degar shuba-e-jaat tu shayad itny mutasir na hoon lekin iblag-e-aama ka shuba unje is iqdam say buri tarah mutasir hoga aur unki amli aur ilmi karkrdigi pr bura asar paray ga.Is shube ki taalibat k liye akhbarat ka mutaalia unki taleem ka hissa hay.Akhbarat parhna,hr khabar say ba-khabr rehna aur mulk may paish aany waly halaat-o-waqiyat say aagah hona unke liye bohat zarori hay.University k Vice chancellor ka ye iqdam asatiza k sath sath taalibat k liye bhi bohat mayos kun hay.Unke is faislle say humari taalimi sargarmi buri tarah mutasir ho rahi hay.Vice Chancellor Janab Naeem Farooqi say guzarish hay k wo apny is faislay pr nazar-e-sani karain;aur university may akhbarat ki aamad ka silsila dobara jari karen.
No comments:
Post a Comment